Ukraynanın könüllülərin göndərilməsi ilə bağlı Gürcüstana təzyiqi beynəlxalq hüququn pozulması idi. Görünür, bəziləri qanunları yalnız başqalarına deyil, öz övladlarına aid olduqda xatırlayır.
Bunu ölkənin parlament sədri Şalva Papuaşvili sosial şəbəkədəki paylaşımında bildirib.
Onun sözlərinə görə, 2022-ci ilin fevralında müharibənin başlanğıcında Ukraynanın sabiq xarici işlər naziri Dmitro Kuleba Gürcüstan hökumətindən rəsmi şəkildə Ukraynaya gürcü könüllülərin göndərilməsini tələb edirdi ki, bu da Gürcüstanın müharibəyə cəlb olunması demək idi:
"Xatırladım ki, Gürcüstan Ukrayna hökumətinin döyüşçü göndərməyi tələb etdiyi yeganə ölkə idi. Bu tələbi rədd etdikdən sonra Kuleba Ukraynadakı səfirini geri çağırdı, Gürcüstandakı müxalifət və QHT-lər isə Rustaveli prospektində etiraz aksiyalarına başladılar. Aksiyaların əsas tələbi Rusiya üçün sanksiyalarla yanaşı, hökumətin təşkili ilə gürcü döyüşçülərin müharibəyə göndərilməsi idi. O dövrdə ombudsman Nino Lomcariyanın söylədiyi "Bombaların yaratdığı yanğını hökumətin imtinası nəticəsində hiss etdiyim utancdan üstün tuturam” ifadəsi isə tarixdə qaldı".
Papuaşvili əlavə edib ki, indi Ukraynanın sabiq xarici işlər naziri qanunlarda oğlunun müharibəyə getməməsi üçün əsas axtarır. O, Ukraynanın Təhlükəsizlik Şurasının katibi Aleksandr Danilovun müharibənin ilk günlərində Gürcüstanda ikinci cəbhənin açılmasının Ukraynaya necə fayda verəcəyi ilə bağlı açıqlamasını xatırladıb.
///report
