Bakının Nərimanov rayonunda, Nəcəf Nərimanov, 8В ünvanında, Kooperasiya Universitetinin qarşısında “VAZ-2107” markalı avtomobil yanaraq kül dönüb. Fövqəladə Hallar Nazirliyinin Dövlət yanğından Mühafizə Xidmətindən verilən məlumata görə, hadisə yerinə 3 avtomobil yollanıb. Yanğın şiddətli olduğu üçün yaxınlıqdakı avtomobillərə keçməsinin qarşısı alınıb. Xəsarət alan olmasa da, maşın yanaraq külə dönüb.
