Kanal D ekranlarında yayımlanan "Uzak Şehir" serialının 3-cü mövsüm çəkilişlərinə start verilib.
AZXEBER.COM musavat.com-a istinadən bildirir ki, bu gün çəkiliş meydançasına qayıdan serialın yeni mövsümünün ilk səhnələri İstanbulda lentə alınacaq. Daha sonra heyət sürpriz səhnələrin çəkilişi üçün Macarıstanın paytaxtı Budapeştə yollanacaq.
Yeni mövsümdə serialın aktyor heyətində də bir sıra dəyişikliklər olacaq. Usta aktyor Mustafa Avkıran "Kartal" obrazı ilə layihəyə qoşulub. Mehmet Koran Fırat və Onur Özaydın da yeni mövsümdə serialın heyətində yer alacaqlar.
Layihənin yeni afişası üçün fotosessiya da artıq başa çatıb. Baş rol ifaçısı Ozan Akbabanın yeni imici isə serialın izləyicilərinin diqqətini çəkib.
Çəkilişlərinə bu gündən başlanılan "Uzak Şehir"in 64-cü bölümünün sentyabr ayında tamaşaçılara təqdim edilməsi planlaşdırılır.
