Vanda baş verən zəlzələdə ölənlərin sayı 582-yə çatıb
Bütün Xəbərlər
12:02 30.10.2011
1493
Türkiyənin Van bölgəsində oktyabrın 23-də baş vermiş zəlzələ nəticəsində ölən və yaralananların sayı ilə bağlı yeni rəqəmlər açıqlanıb.APA-nın xəbərinə görə, Türkiyə baş nazirinin müavini Bəşir Atalay ölənlərin sayının 582 nəfərə çatdığını bildirib. Yaralıların sayı 4152 nəfərdir. Dağıntılar altından 231 nəfər sağ çıxarılıb. B. Atalay Van şəhərində dağılan 6 binanın 5-də, zəlzələnin episentri olan Van bölgəsinin Ərciş qəsəbəsində isə dağılan 65 tikilinin 58-də xilasetmə işlərinin yekunlaşdığını açıqlayıb. O, zəlzələdən zərər çəkənlərə 35 min 257 çadırın paylandığını, bu çadırların 10%-nin xaricdən göndərildiyini söyləyib.
