“Volqa” klubu futbolçunun komandadan ayrılması ilə bağlı rəsmi məlumat yayıb
Rusiyanın “Volqa” klubu Vaqif Cavadovun komandadan ayrılması ilə bağlı rəsmi məlumat yayıb. AZXEBER.COM-un azerisport.az portalına istinadən yaydığı xəbərə görə, Nijni Novqorod təmsilçisi futbolçumuza göstərdiyi xidmətlərə görə minnətdarlıq edib: “Cavadov komandamızdan ayrılaraq vətəninə döndü. O bundan sonra karyerasını Ağdamın “Qarabağ” klubunda davam etdirəcək. Vaqifə komandamızda göstərdiyi əzmkarlığa görə təşəkkür edirik və ona gələcək karyerasında uğurlar arzulayırıq".
