17 aprel 2013-cü il tarixində “Gənclər Evi”-də yerləşən “Vətəndaş Cəmiyyətində Debat” İctimai Birliyinin yeni ofisinin açılış mərasimi həyata keçirilib.

DVC-dən AZXEBER.COM-a verilən məlumata görə, açılış mərasimində Azərbaycan Respubılikası Prezident Administrasiyasının ictimai-siyasi məsələlər şöbəsinin müdiri Əli Həsənov, Azərbaycan Respublikası Gənclər və İdman Naziri Azad Rəhimov və Nazir müavini İntiqam Babayev, Azərbaycan Respublikası Təhsil Nazirinin müavini Qulu Novruzov, Azərbaycan Respublikası Milli Məclisinin deputatı Hadı Rəcəbli, Azərbaycan Respublikası Prezidenti yanında Gənclər Fondunun rəhbəri Fərhad Hacıyev, Mili QHT Forumunun sədri Rauf Zeyni, UNİCEF-in Azərbaycandakı nümayəndəliyinin rəhbəri Mark Herevard, YAP Gənclər Birliyinin sədri Seymur Orucov, Azərbaycan Tələbə Gənclər Təşkilatları İttifaqının sədri Şahin İsmayılov, “İrəli” İctimai Birliyinin sədri Rauf Mərdiyev, tərəfdaşlarımız olan "Coca-Cola" Company, "Park Bulvar" alış-veriş mərkəzi, "Təmiz Şəhər" ASC-nin, digər yerli və beynəlxalq təşkilatların Azərbaycandakı nümayəndəliklərinin rəsmiləri iştirak ediblər.

Açılış mərasimi zamanı iştirakçılar DVC-nin yeni ofisi ilə yaxından tanış olub, burada gənclər və gənclər təşkilatları üçün yaradılmış imkanlar haqqında məlumat əldə ediblər.

DVC («Vətəndaş Cəmiyyətində Debat» İctimai Birliyi) öz fəaliyyətini Azərbaycanda 1998-ci ildən «Debat» təhsil proqramı kimi başlamışdır. İctimai Birlik kimi 2001-ci ildə təsis edilib, 2005-ci ilin yanvar ayında Ədliyyə Nazirliyi tərəfindən qeydiyyata alınmışdır.DVC hal-hazırda 28000 üzv, 45 region, 10 nümayəndəlik, 90-dən artıq təhsil müəssisəsi olmaqla geniş gənc şəbəkəsi qurmuşdur və bu gün bu lahiyənin icrasında da öz profesionallığını göstərir.