Vətənin keşiyində duranlara dəstək olmaq borcumuzdur – Yelo Bank

İQTİSADİYYAT
20:11 18.11.2020
218
Sosial şəbəkələrdə yayılan Yelo Bankın əsgərimizi məhkəməyə verməsi ilə bağlı xəbər əsasında araşdırma aparılıb.
 
AZXEBER.COM xəbər verir ki, məhkəməyə müraciət həmin şəxsin əsgər kimi xidmətə başlamasından əvvəl olub və xidmətdə olduğu bilindikdən sonra dərhal Bank tərəfindən Ucar rayon məhkəməsinə prosesi dayandırması ilə bağlı məlumat yönləndirilib. Bununla yanaşı, əsgərimizin qardaşı da Banka dəvət edilib.

Yelo Bank vətən uğrunda azadlıq müharibəsinin ilk günündən döyüşlərdə iştirak edən və zərər çəkmiş hər bir müştərisinin yanındadır. Xidmətdə olan müştərilərlə bağlı məlumatların yığılması müəyyən vaxt tələb etdiyindən, qeyd olunan formada yanlış anlaşılmalar baş verə bilir. Artıq bir neçə müştərilərimizi ziyarət edərək, həm edilən güzəştlərlə bağlı məlumatı şəxsən onlara çatdırmış, həmçinin müharibədə göstərdikləri qəhrəmanlıqlara görə təşəkkürümüzü  bildirmişik. Bu gün belə müştərilərimizdən biri olan və döyüşlər zamanı qolunu itirmiş əsgərimizə bank nümayəndələri tərəfindən baş çəkilib. Müharibə haqda iştirakçısının dilindən eşitmək əldə etdiyimiz qələbənin necə dəyərli olduğunu bizə bir daha sübut etdi.

Yelo Bank olaraq Silahlı Qüvvələrə Yardım Fonduna 100 min manat, eləcə də, döyüşlərdə iştirak edən şəxslər və onların ailə üzvlərinə dəstək məqsədilə 50 min manat olmaqla, ümumilikdə 150 min manat vəsait ayırmışdı. Ordumuza dəstək aksiyaları çərçivəsində cəbhə bölgələrinə tibbi ləvazimatlar, gigiyenik vasitələr, isti geyimlər, qida məhsulları və digər ilkin tələbat məhsulları göndərmişik.  20-ə yaxın əməkdaşımız səfərbərlik çərçivəsində ordu sıralarına qatılıb. Bir işçimiz isə Bərdəyə xain hücum zamanı həlak olub.

Bütün bu dövr ərzində daim ordumuz və əsgərlərimizin, cəbhəyə yollanan yoldaşlarımızın və onların ailələrinin yanında olub, dəstəyimizi əsirgəməmişik və bundan sonra da əsirgəməyəcəyik.

OXŞAR XƏBƏRLƏR