Ermənistanda siyasi rejim iflasa uğrayıb. Azərbaycanın beynəlxalq səviyyədə uğurları həm Ermənistan dövlətinə, həm Ermənistanın xarici siyasətinə, həm də diaspora fəaliyyətinə bir zərbədir. Bunu Səs TV-yə müsahibəsində siyasi-ekspert Vüsal Quliyev bildirib.
- Vüsal müəllim, bildiyiniz kimi Azərbaycan BMT Təhlükəsizlik Şurasına qeyri-daimi üzv seçilib. Bunu Azərbaycan diplomatiyasının uğuru kimi qiymətləndirmək olarmı?
- Bəli, tamamilə düzdür. Bunu diplomatiyamızın, Azərbaycanda aparılan islahatların uğurlu nəticəsi hesab etmək olar. Təbii ki, bu həm də Azərbaycanın beynəlxalq səviyyədə təmsil olunmasına təkan verəcək. Azərbaycan çətin səsvermə prosesində155 ölkəninrəğbətini qazanıb. Bu o deməkdir ki, 155 ölkə Azərbaycana etimad göstərir, BMT Təhlükəsizlik Şurasına təmsil olunmasını dəstəkləyir, onun uğurlarını görür, eləcə də Azərbaycanda gedən islahatları başa düşür. BMT-də təmsil olunan 155 dövlətin Azərbaycanı dəstəkləməsi ölkəmizin böyük uğurudur və müstəqilliyimizin 20 illiyinə böyük hədiyyədir.
- Azərbaycanın bu mötəbər quruma üzv seçilməsi Dağlıq Qarabağ probleminin həllinə hansısa yeni imkanlar, yeni şanslar, töhfələr verə bilərmi?
- Təbii ki, Azərbaycanın belə bir mötəbər qurumda təmsil olunması Dağlıq Qarabağ məsələsinin həlli yolunda öz rolunu oynayacaq. Orada əsas məsələlər beynəlxalq səviyyədə təhlükəsizliyin qorunub saxlanılması, beynəlxalq hüquq normalarının yerinə yetirilməsi olacaq.Azərbaycan beynəlxalq səviyyədə də öz töhfəsini verəcək.
- Qurumda Azərbaycanın təmsil olunması işğalçı dövlətin - Ermənistanın siyasi dairələrində çaxnaşma yaradıb və ermənilərbunundiasporun fəaliyyətsizliyidən baş verdiyini deyir. Bu, belədirmi?
- Azərbaycanın beynəlxalq səviyyədə uğurları həm Ermənistan dövlətinə, həm Ermənistanın xarici siyasətinə, həm də diaspor fəaliyyətinə bir zərbədir. Təbii ki, burada Azərbaycan xarici siyasətinin uğurlu olmasından və Prezidentin diaspor qurumları qarşısında qoyduğu vəzifələrin uğurlu icrasından söhbət gedir. Buna Ermənistan sevinmir və bu uğurları gördükcə ordakı siyasi rejim iflasa uğradığını anlayır.
