Verilişin aparıcısı Ruslan Ağayevin AZXEBER.COM-a verdiyi məlumata görə, Xəyyam verilişdə actual mövzulara toxunub. Nisanov bu il “Eurovision” müsabiqəsində Azərbaycanı təmsil etmək hüququ qazanmasa da, nəticələrdən narazı olmadığını deyib. “Beşlikdəki namizədlər arasında mənim favoritim yox idi. O siyahıda mütəq Nurlan Növrəsli olmalı idi, özümdən çox Nurlana görə pis oldum. Yenə də Nigar Camal və Eldar Qasımova uğurlar arzulayıram. Mən isə bundan sonra bir də “Eurovision” yarışmasına qatılmayacam”.
Xəyyam Nissanov “Şipşirin” ləqəbli Elçinin “Azərbaycanda özümə rəqib görmürəm” sözünə də münasibət bildirib. “Elçin mənim dostumdu, çox bacarıqlı oğlandır. Amma danışmaqla iş bitmir. Gərək konsertlər verib, layihələr hazırlayasan. Hər şeyi göstərmək lazımdır”.
Xəyyam qarşıdan gələn Sevgililər günü haqqında isə belə deyib: “Sevgilimə hədiyyə almaq fikrim var. Amma hədiyyədən danışmayacam, biləcəklər. Hələ vaxta var, alaram. Əsas odur ki, pul olsun”.
Ardınca Xəyyam gəlir mənbəyi haqda da danışıb: “Mənim bir neçə zavod və fabrikim var. Mahnı oxumaq isə hobbimdir. (gülür). Təbii ki, başqa gəlir mənbəyim var. Amma onu açıqlamaq olmaz. Deyim ki, bu sadəcə toylar deyil”.
Qeyd edək ki, Ruslan Ağayevin aparıcısı olduğu "9+1" verilişi hər həftənin şənbə günü İRADİO-nun canlı efirində yayımlanır.
