Bununla bağlı məlumat verən BAXCP sədrinin müavini, saytın redaktoru Niyaməddin Orduxanlı bildirib ki, mart ayının sonundan etibarən sayt bütövlüklə yenilənib və online rejimə keçib: “Bundan sonra xalqcebhesi.az saytı dəqiqə - dəqiqə yenilənən xəbərləri ilə virtual oxucularının istifadəsində olacaq. Saytımız aktiv xəbərçilik anlayışı ilə hadisələrə yanaşmaqla yanaşı analitik və köşə yazıları ilə də oxuculara həqiqətləri tərəfsiz bir şəkildə çatdırmağa çalışacaq”.
Niyaməddin Orduxanlı sözlərinə onu da əlavə edib ki, saytda yerləşdirilən xəbərlər sosial şəbəkələrdə də yayımlanacaq. Bu səbəbdən “Facebook” sosial şəbəkəsində saytın eyni adlı qrupu yaradılıb. Qısa müddət ərzində bu qrupa 2000 nəfər üzv olub. Hər gün bu qrupa yeni üzvlər daxil edilir. Saytda yayılan bütün xəbərlər bu qrup vasitəsi ilə minlərlə şəxsə göndəriləcək. Həmçinin də mənim “facebook” profilimlə digər qruplara da saytın xəbərləri göndərilir.
