“ Azərbaycan gəncləri, tamaşaçılar xarici seriallar ruhunda tərbiyə olunmamalıdır”. Milli Televiziya və Radio Şurasının sədri Nuşirəvan Məhərrəmlinin sözlərinə görə Azərbaycanda yayımlanan xarici serilalların məhdudlaşdırılması müzakirə mövzusudur və cənab prezidentin sərəncamı ilə ayrılan maliyyə vəsaiti bu sahədə canlanma yaratmalıdır: “Kanalların əksəriyyəti serillar çəkir. Sənədli filmlərə bağlı vəziyyət o qədər də pis deyil. Amma seriallar, bədii televiziya filmləri ilə bağlı problemlər var. Hesab edirəm ki, yaxın 5 il ərzində bu sahə ciddi şəkildə inkişaf edəcək. Gələcəkdə xarici serialların yayımını məhdudlaşdırmaq üçün biz gərək bazamızı gücləndirək, keyfiyyətli serialların, verilişlərin çəkilməsi üçün dönüş yaradaq ”.N.Məhərrəmli sonda onu da vurğuladı ki, xarici serialları Azərbaycan efir məkanında məhdudlaşdırmaq, yerli serialların inkişaf etdirilməsinə zəmin yaradacaq.