Azərbaycan Respublikasının Prezidenti Yanında Gənclər Fondunun maliyyə dəstəyilə və “Gənclərin Töhfəsi” İctimai Birliyinin tərəfdaşlığı ilə “Azərbaycanda oxuyan xarici tələbələrə tarixi abidələrimizi tanıdaq” layihəsi icra olunub. Layihə rəhbəri Günay Məhərrəmlinin Editor.az-a verdiyi məlumata görə layihənin keçirilməsində əsas Azərbaycanda təhsil alan xarici tələbələrə Azərbaycanın tarixi haqqında ümumi məlumat vermək və onları tarixi abidələrimizlə yaxından tanış etməkdən ibarətdir:
“Layihədə 20 xarici tələbə iştirak etdi. İştirakçılar ilk öncə Qobustan tarixi qoruğunun, daha sonra İçəri Şəhərin, Qız qalası və Şirvanşahlar sarayının tarixi ilə yaxından tanış oldular. Tədbirin sonunda iştirakçılar sertifikatlarla təltif edildilər”.
