Əməkdar artisti Tünzalə Əliyeva xərçəng xəstəliyi ilə özünü reklam etməsi barədə yayılan xəbərə münasibət bildirib.
AZXEBER.COM qafqazinfo-ya istinadən xəbər verir ki, aktrtisa sərt danışaraq belə bir niyyətinin olmadığını söyləyib:
"Mən reklama ehtiyacı olan insanlardan deyiləm. Xəstəliklə özünü reklam etmək alçaqlıqdır. Xəstəliyimin həqiqi olmasını sübut etmək üçün Milli Onikologiya Mərkəzinə getmək lazımdır. Amma buna ehtiyac yoxdur. Mən xəstə kimi insanların yaddaşlarında qalmaq istəmirəm.
Hazırda kimya terapiyası qəbul edirəm, amma dostlarımın açılış mərasimində iştirak edirəm. Qoy hamı görsün ki, mən ayaq üstdəyəm. Altı kimya terapiya qəbul edəcəm, 30-a yaxın şüadan sonra 3 ay keçəcək. Bundan sonra xərçəngin yayılma ehtimalı barədə yekun qərar çıxara biləcəklər".
