Kommunal xidmətlərin tez-tez və heç bir xəbərdarlıq edilmədən birdən-birə kəsilməsi vətəndaşların ən çox şikayət etdiyi problemdir.
"Azəriqaz”la bağlı problem bu dəfə müğənni Nura Surinin də başına gəlib. O bildirib ki, bu problem illərdir davam edir.
AZXEBER.COM xəbər verir ki, müğənni sosial şəbəkə hesabında Xətai rayonunda hər ay təmir adı ilə qazın kəsildiyini yazıb.
"Azəriqaz” İstehsalat Birliyinin İctimaiyyətlə əlaqələr şöbəsinin rəisi Eldəniz Vəliyev AZXEBER.COM-a müğənninin şikayəti ilə bağlı açıqlama verib və bu fikrin əsassız olduğunu söyləyib:
"Bu cür qaz kəsilmələri yayda, qışda da olur, amma bu qrafiklə Xətai rayonunda qazın dayandırılması ilə bağlı fikirlər əsassızdır. Qaz kəsiləndə ümumi Xətai rayonu kəsilmir, müəyyən bir hissədə kəsilir, o da əgər sızmalar, qəzalar olarsa kəsilir. Bu kimi hallar baş verəndə qaz məcburi dayandırılır. Ümumilikdə bütün Xətai rayonunda qazın kəsilməsi iddiası absurddur. Hər ay, iki aydan bir, bir ildən bir boru xəttində sızma aşkar olunarsa, məcbur qaz dayandırılır. Qısa müddət ərzində bu problem aradan qaldırılır”.
Ayşən
