Xəbər verdiyimiz kimi, bu gün Xəzər dənizində gəzinti qayığı batıb.
AZXEBER.COM-a açıqlama verən Dənizkənarı Bulvar İdarəsinin Mətbuat Xidmətinin rəhbəri Əfsanə Mehdiyeva hadisə ilə bağlı bunları deyib:
"Xəzər dənizində batan gəzinti qayığı Bulvar İdarəsinin balansında deyil. Bizim balansımızda olan bütün gəmilər saz vəziyyətdə öz yerlərindədir. Hazırda Xəzər dənizində suyun səviyyəsi o gəmilərin fəaliyyətinə icazə vermədiyi üçün müvəqqəti olaraq həmin gəmilər tura çıxmırlar".
Qeyd edək ki, Fövqəladə Hallar Nazirliyindən verilən məlumata görə, hadisə ilə bağlı "112” qaynar xəTttinə gəzinti qayığının batması ilə bağlı məlumat daxil olub.
Dalğıc axtarış xilasetmə əməkdaşları hadisə yerinə cəlb ediliblər.
İlkin məlumata görə, batma təhlükəsində olan vətəndaşlar xilas olunublar.
Günel Hüseynli
