Avropa Liqasının II təsnifat mərhələsinin ilk oyunu çərçivəsində "Xəzər Lənkəran"ın qonağı olacaq Polşanın "Lex" klubu artıq Azərbaycandadır.
AZXEBER.COM-un məlumatına görə, Bakıda Heydər Əliyev adına hava limanına enən Poznan təmsilçisi paytaxtdan matçın keçiriləcəyi Lənkəran şəhərinə doğru hərəkət edəcək.
Bu axşam isə hər iki komandanın mətbuat konfransı keçiriləcək. "Xəzər Lənkəran"ın baş məşqçisi Yunis Hüseynovun mətbuat konfransı saat 18:30-da başlayacaq. "Lex Poznan"ın baş məşqçisi Mariuş Rumakın media nümayəndələri ilə görüşünün isə saat 20:45-də başlaması nəzərdə tutulub.
Qeyd edək ki, "Xəzər Lənkəran" - "Lex" matçı sabah saat 20:00-da başlayacaq.
//qol.az
