Müğənni Xuraman Şuşalı repertuarına Fransanın məşhur retro mahnılarından birini daxil etməyə hazırlaşırdı. O, aranjemançılardan birinə musiqiyə əl gəzdirməsi üçün kifayət qədər pul ödəmişdi. Eyni zamanda, mahnının sözlərini mütəxəsislərdən birinə tərcümə etdirərək, sevgidən bəhs edən mətni anlamaq niyyətində idi. Bir sözlə, o, aranjemanı hazır olan mahnının ifasına hazırlaşırdı. Lakin ötən gün Fransa Senatının qondarma "erməni soyqırımı"nın inkarına görə, cinayət məsuliyyətinin tətbiqi barədə qanun layihəsini qəbul etməsi onun planlarını dəyişib. Xuraman düşünmədən, mahnıdan imtina edib."Bu qərardan sonra hətta mahnıya belə nifrət etdim. İçində vətənpərvərlik hissi olan hər bir kəs məncə, eyni addımı atardı. Həmin mahnıya bir daha qayıtmaq fikrində deyiləm. Baxmayaraq ki, onun hazırlanmasına heç də az vəsait xərcləməmişdim", - deyə Xuraman fikrini bitirdi. /// milli.az
