Tələbələr və digər etirazçılar Səna Universitetində toplaşaraq hökumət əleyhinə şuarlar səsləndirib. Nümayişçilər Tunisdə prezident Zinə Əl Abidini Ben Əlini hakimiyyətdən devirən nümayişlərdən ruhlanıb. Fransa xəbər agentliyi yazır ki, bəzi tələbələr Tunisdəki çevrilişə işarə edərək “Yasəmən inqilabından öyrənin” yazılan plakatlar qaldırıb. Agentlik bildirir ki, eyni zamanda ölkədə prezidenti dəstəkləyən nümayiş də keçirilib.
