Ceyhun QurbanovBir neçə gün əvvəl Facebookda bir hadisənin şahidi oldum. Deməli, məşhur parada qarşı çıxan bir səhifədə yazılan statusda bir qız o insanların adlarını çəkməyə belə utandığını dedi. Bunun nə qədər düz olub olmadığı müzakirə mövzusu deyil. Həmin statusda bir oğlan qızın bu sözündən sonra “bomba oğlan” çıxıb danışmağa başladı. Qızların bu hallara və ümumiyyətlə 18+ əhatəli mövzulara ifrat mənfi reaksiyasını pislədi. Dediyinə görə bu cür mövzulara adi baxmaq lazımdır. Daha bir gözlənilməz məlumat isə indi 21-ci əsrin olması idi Bu fikirlərə söz demirəm, hərənin öz baxış bucağı var, istədiyi kimi də düşünür. Lakin elə o statusun sonrakı rəylərində həmin oğlan “yaxşı qız facedə neyniyir?” dedi. Qızların 18+u qəbul etməməsini qlobal problemə çevirən həmin şəxsin beyni bəşəriyyətə ziyan xarakteri daşıyır.
Bu post sırf həmin o oğlana həsr olunmur… O oğlan kimi fikirləşənlər çox heyif ki, hələ də çoxluq təşkil edir. Bəziləri Facebook-da tanıdığı qızı istəyirsə, ona Face-dən çıxma şərtini qoyur, ya da bacısına Facebookda görürsə evdə hay-şüvən qopardır. Ya da Facebook-da olan bütün qızlara pis gözlə baxır…
Facebook universitet kimi bir şeydir. Demək olar ki, ictimai yer. Buranı hamı öz məqsədi üçün istifadə edir. Universitetə oğlanların bəzisi oxumaq üçün, bəzisi yeni dostlar üçün, bəzisi isə qız tutmaq üçün girir, bildiyimiz kimi oğlanlar 1-ci kursda ən çox qrupda neçə qızın olmasıyla maraqlanırlar. Qızlar da həmçinin, hər cürəsi var universitetdə. Yaxşısından tutmuş …-a kimi. Bu o demək deyil ki, universitetdə yaxşı qız oxumaz… Facebookda da həmçinin… Hamı buranı öz məqsədi üçün istifadə edir. Tanıdığım qızların 90 faizi əlaqə vasitəsi kimi bu şəbəkənin imkanlarını mənimsəyir. Demirəm, Facebookda hamı mələkdir, xeyr, universitetdə olduğu kimi burda da good-to-bad-dir.
Əslində isə bu cür beyni geridə qalıb ancaq 18+a işləyən oğlanlarda isə başqa bir səbəb də ola bilər ki, onlar bu cür düşünməyə məcburdur. Bildiyimiz kimi, Zero Facebook açılandan sonra kütləvi “nöyüt” axını oldu Facebook-a. Həmin bu “nöyüt”lərin əvvəlki tinləri çatlar olduğuna görə, Facebook-u da çat kimi istifadə edirlər. Və gözlərində burda olan qızları da həmin Çatitsaların yerinə qoydular. Amma Facebook-un imkanlarından hərtərəfli istifadə etsələr görərlər ki, çat başqa bu başqa…
Nə isə, bu mövzu bitən deyil, “ağıllı” çıxanlar elə həmişə belə qalacaq. Biz qızları Face-ə görə qiymətləndirmirik. Dostluğumda olan hər bir qıza hörmətim sonsuzdur. Kimdə bu belə deyilsə, ona day başqa sözüm yoxdur.
