Ötən gün Azərbaycan Yazıçılar Birliyinin sədri Anarın müşaviri Rauf Aslanovun dələduzluqla üzləşməsi xəbərinin təfərrüatı məlum olub.
R.Aslanov hüquq-mühafizə orqanlarına müraciət edərək bildirib ki, 2014-cü ilin aprel ayında və 2015-ci ilin fevral ayında 1969-cü il təvəllüdlü Şəmsi Mirzə onu aldadaraq 30 min manat və 20 min ABŞ dollar pulunu alıb.
AZXEBER.COM-un məlumatına görə, dələduzluqda adı hallanan Şəmsi Mirzə, tanınmış şair, "Yazıçı” Nəşriyyatının rəhbəri Şəmsi Vəfadardır.
Dələduzluğun təfərrüatına gəldikdə isə məlum olub ki, Şəmsi Vəfadar, Rauf Aslanovdan həmin məbləği sələmə götürüb. Ş.Vəfadar tərəfindən götürülmüş sələmin ödənişləri edilsə də, valyutanın dəyişməsi və verdiyi sələm faizinin yüksək olması, məbləği daha da qabardıb. Əldə etdiyimiz məlumata görə, Rauf Aslanov uzun illərdir sələmçiliklə məşğuldur.
Bu cür hadisə isə, sələmə pul verdiyi şəxslərlə, aralarında baş verən və hüquqi müstəviyə qədər gedib çıxan təkrar haldır.
