“Biz onu bacısı həbsdə olanda belə işdən çıxartmamışdıq”.
Bu sözləri AZXEBER.COM-a açıqlamasında ANS televiziyasının prezidentinin ictimai əlaqələr üzrə müşaviri Mais Məmmədov söyləyib.
O, “Günəbaxan” verilişinin aparıcısı İlqar Mikayıloğlunun ANS-dən çıxması xəbərini təsdiqləyib :
“Biz onu bacısı həbsdə olanda belə işdən çıxartmamışdıq. Hələ bizə bununla bağlı suallarda verirdilər. ANS rəhbərliyi hər zaman onun yanında olub. İndi özü ərizəsin yazıb və çıxıb gedib. Onunla rəhbərlik arasında heç bir narazılıq olmayıb. İşdən çıxmasının səbəbini biz də bilmirik. Yəqin özünə yağlı qapı tapıb, kim bilir”.
Qeyd edək ki, İlqar Mikayıloğlu açıqlamasında kanalla arasında olan müqavilənin bitməsinə görə işdən çıxdığını deyib.
