Bakı-Şamaxı-Yevlax yolunun 133-136-cı kilometrliyində buzlaşma olduğundan, həmin ərazidə sürücülər ehtiyatlı olmalıdırlar
Respublika yol polisi qarlı-şaxtalı hava şəraiti ilə əlaqədar sürücülərə müraciət edib. Respublika Baş Dövlət Yol Polisi İdarəsinin şöbə rəisi Kamran Əliyevin verdiyi məlumata görə, hazırda Bakı-Şamaxı-Yevlax yolunun 133-136-cı kilometrliyində (Ağsu aşırımı) buzlaşma olduğundan, həmin ərazidə sürücülər ehtiyatlı olmalıdırlar. Yol polisi ümumiyyətlə şaxtalı-qarlı havalarda təcrübəsi olmayan sürücülərə axşam və səhər saatlarında yola çıxmamağı tövsiyə edir. Qeyd edək ki, təkcə dekabr ayında baş verən yol qəzalarında 54 nəfər ölüb.
