Aktrisa Zümrüd Qasımova "Sənətsevər" verilişinin qonağı olub.
Uzun müddət xərçəng xəstəliyindən əziyyət çəkən aktrisa ağır günlərdən danışıb. O bildirib ki, arzularına çatmayıb:
"Arzulayırdım ki, 14 uşağım olsun, amma olmadı. Yerinə yetən tərk arzum aktrisa olmaqdır. Ana olmaq mənim üçün mümkünsüzdür. Bilərəkdən bundan imtina etdim. İstəmirəm uşağım mənim genlərimi daşısın. Bu, mənim üçün problem deyil. Övladlığa uşaq götürmət istəyirəm. Çoxları deyir, təhlükəlidir. İstəyirəm böyük evim olsun və çox uşaq övladlığa götürüm.
Ailədə də həddindən artıq çox sevilirəm. Bəlkə də o sevgi məni belə güclü edib. Səni itirməyə qorxan, qısqanan biri olması gözəldir. Məni dəlicəsinə sevən həyat yoldaşım var. Qadın kimi xoşbəxtəm.
Xəstəliyimi öyrənəndə özümü çətin toparladım. Hər zaman düşünürdüm ki, xəstəxanadayam, görəsən, yanıma kim gələcək? Və elə bir gün mənə gəldi çatdı... Xəstəxanaya tək getdim, həkimin cavabında 99 faiz bədxassəli şiş oxudum. Həmin anı yaşamaq dəhşətlidir. Yoldaşıma zəng etdim ki, xəstəyəm. Həkim dedi ki, kifayət qədər irəliləyib. Problemimlə tək qaldım. Çox çətin anlar idi. Yer üzündəki cəhənnəm xərçəng xəstəliyidir. Yoldaşım gəldi ki, səni sağaldacam. Xəstəliyimi öyrəndiyim gün yoldaşımla otelə getdik, şam yeməyi yedik. Dərdləşdik. Ölmək istəmirdim, 27 yaşım varıydı. Getdim Ankaraya, xəstəxanaları gəzdim ki, başqa diaqnoz qoyula. Hamı eyni şeyi dedi. Üç gündən sonra yoldaşım gəldi. Əməliyyatdan sonra anama dedim ki, xəstəyəm".
Aktrisa şəxsi həyatından danışıb və həyat yoldaşı ilə tanış olmalarını xatırlayıb:
"Həyat yoldaşımı ilk dəfə görəndə dedim ki, o, mənim olacaq. O, ailə qurmağı düşünmürdü. Çünki ilk ailəsi dağılmışdı. 8 ay onun arxasınca qaçdım, nəticədə əldə etdim. Deyirdi, heç kimi sevməyəcəm. Amma sevdi, 9 ildir yanımdadır. Bəzi şeylərə görə bağışlamadığım yeganə insan yoldaşımdır. Onu bağışlamağıma bir ömür yetməz. İnsan sevdiyindən çox şey gözləyir.
Sağlam idim, ona dedim ki, birdən xəstələnsəm, nə edərsən? Dedi, hər şey edərəm, hər şeyimi sataram. Dedim yenə sağalmıram. Dedi, ölməkdirsə, qanından vurub ölərəm. Elə məqam gəldi ki, mən həyatla çarpışırdım. Ona dedim ölərsən mənim üçüm? Bu suala verdiyi cavabı deməyim (kövrəlir). Ölməyini istəmirdim...".
///axşam.az-
