Almaniyada ən yüksək gəlirli peşələr açıqlanıb.
AZXEBER.COM türkiyə mətbuatına istinadən xəbər verir ki, ənənəvi olaraq yüksək gəlir gətirən aviasiya və səhiyyə sektorlarının yanında bu il siyahıya sürpriz peşə qrupu daxil olub.
Aviasiya sektoru yenə zirvədə qərarlaşıb.
Aviasiya sahəsində çalışan pilotlar və uçuş təlimatçıları illik orta hesabla 336 min avro gəlir əldə edərək Almaniyada ən yüksək maaş alan peşə qrupunu təşkil edir. Uçuş təhlükəsizliyi və mürəkkəb vəzifələr bu yüksək maaşların əsas səbəbi kimi göstərilir.
Sehrbazlar ənənəvi peşələri geridə qoyub.
Euronews Business-ın Almaniya Federal Statistika İdarəsi (Destatis) və Indeed məlumatlarına əsaslanan təhlilinə görə, sehrbazlar və illüziyonçular illik 134 min 316 avro orta gəlirlə siyahıda 8-ci yeri tutaraq bir çox ənənəvi peşələri geridə qoyub. Bu sahədəki yüksək gəlirlər turistik bölgələrdəki şoular, xüsusi tədbirlərdə çıxışlar və rəqəmsal məzmun yaradılması kimi gəlir mənbələrinə bağlıdır.
Səhiyyə və hüquq sektorları yüksək maaşlarını saxlayır.
Səhiyyə sahəsində radioloqlar, cərrahlar və tibbi rəhbərlər illik 100 min avrodan çox gəlirləri ilə siyahının üst sıralarında yer alır.
Məhkəmə işçiləri və hüquq məsləhətçiləri isə təxminən 95 min avro gəlir əldə edir.
Gələcəyin yüksələn peşələri: Süni İntellekt və Yaşıl Enerji
Indeed-ə görə, gələcək illərdə süni intellekt, biotexnologiya və yaşıl enerji sahələrindəki peşələr sürətlə inkişaf edəcək və yüksək gəlirli peşələr arasında olacaq.
Oksana
