Yuxudan oyananda az əvvəl gördüyümüz yuxunu çox aydın xatırlasaq da, bir neçə saniyə sonra həmin görüntülərin yoxa çıxması bir çox insanın yaşadığı maraqlı haldır.
AZXEBER.COM xəbər verir ki, bunun əsas səbəblərindən biri beynin yuxu zamanı xatirələri oyaq vəziyyətdə olduğu kimi emal etməməsidir.
Xüsusilə yuxuların daha çox görüldüyü REM mərhələsində beynin bəzi yaddaş mexanizmlərinin fəaliyyəti fərqli olur. Buna görə də yuxuda baş verən hadisələr uzunmüddətli yaddaşa həmişə ötürülmür.
Mütəxəssislərə görə, yuxudan oyandıqdan sonra diqqətin başqa şeylərə yönəlməsi də yuxunun sürətlə unudulmasına səbəb ola bilər. Yəni yuxunu xatırlamaq üçün oyandıqdan sonrakı ilk anlar xüsusilə vacibdir.
Maraqlısı budur ki, insan yuxunu ümumiyyətlə görmədiyi üçün deyil, xatirənin çox qısa müddətdə yaddaşdan silinməsi və ya möhkəmlənməməsi səbəbindən onu xatırlamaya bilər.
Şahanə Ziyad
