Polşanın keçmiş baş naziri Mateyş Moravetski hesab edir ki, Ukrayna prezidenti Vladimir Zelenski Donald Trampın Ağ Evə qayıtmasını gözləmirdi.
AZXEBER.COM Publika.aza istinadən xəbər verir ki, o, bu barədə Polşa Mətbuat Agentliyinə (PAP) müsahibəsində bildirib.
Moravetski hesab edir ki, Zelenski ABŞ-da prezidentlik uğrunda mübarizədə yanlış tərəfi dəstəkləyib. Onun fikrincə, bu, Ukrayna prezidentinin əsas səhvidir.
"Onun səhv oyunçuya mərc etdiyi məlumdur, Kamala Harrisi və ondan əvvəl Co Baydeni dəstəklədi. O, Donald Trampın bir daha heç vaxt Ağ Evin rəhbəri olmayacağına ümid edirdi”, – Mateyş Moravetski qeyd edib.
"Bu gün Ukrayna prezidentinin ABŞ administrasiyası ilə danışıqlarda böyük problemləri var" deyən Moravetskinin fikrincə, sərt həqiqət odur ki, Birləşmiş Ştatlarsız müstəqil Ukrayna yoxdur.
O qeyd edib ki, bunu siyasətlə məşğul olan və reallığa sağlam baxışı olan hər kəs başa düşür.
