"Real Madrid”in sabiq futbolçusu və baş məşqçi Zinəddin Zidanın kiçik oğlu Elias Zidan "Betis”in futbolçusu olacaq.
18 yaşlı fransız futbolçu bir gün əvvəl atasının müşayiəti ilə yeni klubunda tibbi müayinədən keçib.
Müdafiədə və yarımmüdafiədə sol cinahda çıxış edə bilən futbolçu ilə rəsmi müqavilə yanvarın 11-də imzalanacaq. Müqavilə müddəti 2026-cı ilə qədər nəzərdə tutulub.
Qeyd edək ki, Elias "Real”ın akademiyasında çıxış edib. O, "Betis”dəki çıxışına gənclər komandası ilə başlayacaq.
