Azərbaycanın Şabran rayonunda bıçaqlanma hadisəsi baş verib. Rayon polis şöbəsindən (RPŞ) APA-nın şimal bürosuna verilən məlumata görə, Şabran şəhər sakini, 1995-ci il təvəllüdlü, 10-cu sinif şagırdi Şahverdiyev Elçin Nazim oğlu öz müəlliməsini, Şabran şəhəri Məhəmməd Əmin Rəsulzadə küçəsi - 8 ünvanında yaşayan 1938-ci il təvəllüdlü Cəbrayılova Şərqiyyə İbrahim qızını boyun nahiyəsindən bıçaqla yaralayıb.
Zərərçəkmiş Şabran Mərkəzi Rayon Xəstəxanasına yerləşdirilib, vəziyyəti ağırdır. Faktla bağlı Şabran RPŞ-də cinayət işi açılıb, araşdırma aparılır.
