AZXEBER.COM portalının BBC-yə istinadən verdiyi xəbərə görə, bu gün, İranın ərzaq dükanlarında alış-veriş edənlər üçün ağrılı bir gün olub.
Tehrandakı mağazalardan birində bir çörəyin qiyməti 20 ABŞ sentindən 40 sentədək bahalanıb.
Lavaş çörəyinin qiyməti isə 10 sentdən 15 sentə qalxıb.
Qiymət artımı qəzəb yaradıb, amma hələ ki, etiraz nümayişlərinə dair bir məlumat yoxdur.
Son 30 il ərzində İran hökuməti iranlılara ucuz yanacaq, ərzaq və enerji daşıyıcıları almağa kömək edən subsidiyalar ayırırdı.
Amma bu yardımlar indi hökumətə ildə 100 milyard dollara başa gəlir.
Odur ki, hökumət artıq hər kəsə subsidiya ayıra bilməyəcəyini deyir və növbəti beş ildə yardımları ləğv etməyi planlaşdırır.
Bu gündən bahalı çörək yeyən iranlılar indi elektrik və su qiymətlərinin də artacağını gözləyirlər.
