2 milyon dollarlıq ağac

Santa Klaus bu il Tokiodan keçərkən "qızıl qızdırmaya" yoluxa bilər, çünki yaponların yeni ildə şam ağacları da qızıldan olacaq. Belə ki, Tokioda bir zərgər dükanında təmiz qızıldan şam ağacı hazırlanıb. Qızıl şam ağacının dəyəri 150 milyon yen, yaxud da 2 milyon dollardır. Təkcə ağacın başındakı Milad ulduzunun dəyəri 65 min dollara yaxındır. Hündürlüyü 2,4 metr, ağırlığı isə 12 kiloqram olan şam ağacı 50 ədəd qızıl orxideya və 60 ədəd ürək formalı disklə bəzədilib. Qızıl şam ağacının hazırlanmasına 4,5 ay vaxt lazım olub. Ağacın hazırlanmasında 15 nəfərin əməyi var. Şam ağacı Milad bayramına kimi zərgərlik dükanında nümayiş olunacaq.