2 mindən çox əcnəbi Azərbaycandan çıxarılır - VİDEO

Dövlət Miqrasiya Xidməti ötən ay ərzində gördüyü işlər barədə məlumat yayıb. Xidmətin açıqladığı statistikaya görə, ötən ay ərzində yaşayışla bağlı quruma 5 mindən çox müraciət daxil olub. Aparılan araşdırmalar zamanı 2 mindən çox əcnəbi və ya vətəndaşlığı olmayan şəxsin ölkəmizdə yaşayış qaydalarını pozduğu müəyyən olunub. Onların əksəriyyətinə ölkəni tərk etmələri üçün 48 saat vaxt verilib. 300-ə yaxın əcnəbi və ya vətəndaşlığı olmayanlar isə cərimə olunub. Bununla yanaşı, fərdi icazə alınmadan əcnəbinin və ya vətəndaşlığı olmayanların əmək fəaliyyətinə cəlb olunması istiqamətində də qanun pozuntuları aşkar olunub. Araşdırma zamanı 28 sahibkarlıq obyektinin 8-də əcnəbilərin fərdi icazəsi olmadan əmək fəaliyyətilə məşğul olduqları müəyyən olunub. Qurum muvafiq tədbirlərini davam etdirir. //anspress