‘İslahatçı Gənclər’ gənclərin dostlarını elan etdi

“İslahatçı Gənclər” İctimai Birliyi (İGİB)2014-cü ilin yekunları ilə bağlı hər il ənənəvi olaraq elan etdiyi “Gənclərin Dostu” Milli Mükafatının növbəti qaliblərinin adlarını açıqlayıb. Bu barədə məlumat verən birliyin sədri Fərid Şahbazlının sözlərinə görə, İGİB hər il ənənəvi olaraq gənclərlə iş sahəsində mühüm xidmətləri olan, gənclərin müxtəlif təşəbbüslərinə dəstəyini əsirgəməyən şəxs və müxtəlif istiqamətlərdə özünün müsbət fəaliyyəti ilə fərqlənən şəxs və qurumları bu mükafatla təltif edir. F.Şahbazlı qeyd edib ki,“İslahatçı Gənclər” İB-nin keçirdiyi sorğu və monitorinqlər əsasında müəyyənləşir.

Təşkilat sədri eyni zamanda qeyd edib ki, ötən il olduğu kimi, 2014-cü ildə də Azərbaycan Prezidenti Cənab İlham Əliyev reallaşdırdığı olduqca uğurlu dövlət gənclər siyasətinə, gəncliyimizə göstərdiyi yüksək diqqət və qayğıya görə, “İlin Adamı” adına layiq görülüb: “Bu gün Azərbaycan gəncliyi Cənab Prezidentin rəhbərliyi altında həyata keçirilən siyasəti birmənalı şəkildə dəstəkləyir və dövlət başçısını özünün ən böyük himayədarı hesab edir”.

“İslahatçı Gənclər” İctimai Birliyinin 2014-cü il üzrə “Gənclərin Dostu” Milli Mükafatı ilə təltif etdiyi şəxsləri təqdim edirik:

Mehriban Əliyeva- Milli Məclisin deputatı, Heydər Əliyev Fondunun prezidenti, YUNESKO və İSSESKO-nun xoşməramlı səfiri

Əli Abbasov-Rabitə və Yüksək Texnologiyalar naziri

Zakir Həsənov-Müdafiə naziri

Xaləddin İsgəndərov-Binəqədi rayon İcra Hakimiyyətinin başçısı

Nəsib Məhəməliyev-Nəsimi rayon İcra Hakimiyyətinin başçısı

Mahir Quliyev-Biləsuvar rayon İcra Hakimiyyətinin başçısı

Vüsal Quliyev- Prezident Adminstrasiyası İctimai-siyasi məsələlər şöbəsinin sektor müdürü

Fəttah Heydərov-Respublika Ağsaqqallar Şurasının sədri, millət vəkili

Xalidə Bayramova-Səbail rayon İcra Hakimiyyəti başçısının I müavini

Fərhad Hacıyev-Azərbaycan Gənclər Fondunun icraçı direktoru

Daşqın Şikarov-Azərbaycanın Pakistandakı səfiri