Dünyanın məşhur müğənnisi Azərbaycan dilini yaxşı bilməməsinə məyus oldu - FOTO
İDMAN
13:44 03.04.2013
1972
"Həyatıma baxdıqda çox məyus olduğum bir şey var, mən Azərbaycan dilini çox yaxşı bilmirəm". Bu fikirləri bir neçə gündür Türkiyədə səfərdə olan dünya şöhrətli Azərbaycan əsilli müğənni Sami Yusuf keçirdiyi mətbuat konfransında səsləndirib.Dünən "Salaam" albomunun tanıtımı üçün mətbuat konfransı keçirən Sami Yusuf Türkiyə telekanallardan birinə müsahibə verərkən maraqlı çıxışları ilə yadda qalıb: "Həyatıma baxdıqda çox məyus olduğum bir şey var, mən Azərbaycan dilini çox yaxşı bilmirəm. Fəlsəfi baxımdan baxacaq olsaq, İngiltərə çox gözəl bir ölkə, onu sevirəm. İngiltərədə böyüdüm küçələri, məhəllələri bilirəm, orda gəzməyi sevirəm. Ancaq mən ingilis deyiləm və olmaq da istəmirəm. Mən İngiltərə dövləti vətəndaşıyam. Mən öz əslimə (azərbaycanlı) sahib bir insanam.Sami Yusuf "İslamın rok ulduzu" kimi tanınmasına da münasibət bildirib: "Nə popçuyam, nə rokçu. Mən çox klassik ənənəvi musiqini, sufi musiqisi sevirəm. Klassik musiqi də dinləyirəm. Bu musiqilər adına təhsil aldım. Mənim tərzim rok deyil. Mənə baxdığınızda bunu açıq bir şəkildə görürsünüz. Mən ənənəvi bir insanam. Çox müasir fikirli deyil, daha ənənəvi olmağı sevirəm" deyə danışdı.Mətbuat konfransından sonra isə bir mərkəzdə “İmza günü” keçirdi. Pərəstişkarlarına imzalı albom verən Sami Yusuf Vətəni Azərbaycanı da unutmadı.//anspress
