Lənkəran rayonunun Bəlləbur kəndində bədbəxt hadisə baş verib. Valideynlərin gözündən yayınıb nəzarətsiz qalan 2 yaşlı uşaq elektrik ət maşınını hərəkətə gətirib. Nəticədə uşağın sağ əli elektrik ət maşınında qalıb. Uşağın qışqırığına ayılan valideynlər çıxış yolunu onu təcili Lənkəran rayon Mərkəzi Xəstəxanasına çatdırmaqda görüblər.Növbətçi həkim Mirzə Baxşıyevin sözlərinə görə, əli maşında qalan 2010-cu il təvəllüdlü Cəfərzadə Əsna Mirələm qızı olub. FHN cənub regional mərkəzinin əməkdaşları dəvət xəstəxanaya dəvət edilib. Kəsici alətlər vasitəsilə ətçəkən maşını kəsdikdən sonra uşağın ağır zədələnmiş əlini çıxartmaq mümkün olub. “Lazım olan ilkin tibbi yardım göstərilib. Uşaq əzilmiş didilmiş yara, daraq sümüyünün açıq sınığı və barmaq vətərinin zədələnməsi diaqnozu qoyulub”, - deyə Mirzə Baxşıyev bildirib.2 yaşlı Əsnanın vəziyyəti ağır olduğundan ilkin tibbi yardımdan sonra Bakı Travmatologiya İnstituna göndərilib.
