«Məmməd Əmin Rəsulzadənin abidəsinin ucaldılması barədə qərar dövlət səviyyəsində həll olunmalıdır. Əgər müvafiq qərar olarsa, biz də bunu dəstəkləyəcəyik. Mən hesab edirəm ki, Xalq Cümhuriyyətinin qurucularına kompleks abidə yaradılmalıdır», - deyə rektor qeyd edib.
Rektor hesab edir ki, BDU-ya sabiq prezident Heydər Əliyevin də adının verilməsi də mümkündür: “Universitetə ya dünya şöhrətli siyasətçinin, ya elm korifeyinin adı verilə bilər. Heydər Əliyev BDU-nun tələbəsi, özü də dünya şöhrətli tələbəsi olub. Rəsulzadə isə bu universitetdə dərs keçib. Biz bu məsələni siyasi müstəvidə qaldıra bilərik”.
