Fevralın 28-də saat 10:00-dan 18:00-dək Abşeron rayonunun Ceyranbatan qəsəbəsinin, Cəlilabad rayonunun Günəşli, Alar, Təzəkənd və Qarazəncir kəndlərinin qaz təchizatında məhdudiyyətlər olacaq.
Bu barədə "Azəriqaz” İstehsalat Birliyindən bildirilib.
Məlumata görə, məhdudiyyət "Qaz İxrac” İdarəsinin Abşeron Magistral qaz kəmərləri sahəsinin balansında olan "Ceyranbatan” və "Qobu”, Ağdaş magistral qaz kəmərləri sahəsinin balansında olan "Ucar”, "Lək” və "Zərdab”, Astara magistral qaz kəmərləri sahəsinin balansında olan "Günəşli” qazpaylama stansiyalarında və bəzi ölçü qovşaqlarında aparılacaq carı təmir işləri ilə əlaqədardır.
Aparılan işlərin Ucar və Zərdab rayonlarının bir hissəsinin qaz təchizatına təsir göstərməsi də mümkündür.
