AZXEBER.COM xəbər verir ki, bunu "Bakı Metropoliteni" QSC-nin mətbuat xidmətinin rəhbəri Bəxtiyar Məmmədov deyib.
Onun sözlərinə görə, xətlərin ayrılması nəticəsində hər bir xətt müstəqil fəaliyyət göstərəcək və birində yaranan nasazlıq digər xətlərin işinə təsir göstərməyəcək.
O qeyd edib ki, layihə həmçinin "28 May" - "Həzi Aslanov" istiqamətində sərnişin axınlarının qarışmasının qarşısını alacaq. Hazırda bəzi sərnişinlər istədikləri marşrut üçün bir qatarı ötürməyə məcbur qalırlar, lakin yenilikdən sonra ilk gələn qatarla rahat şəkildə mənzil başına çata biləcəklər.
Bəxtiyar Məmmədov əlavə edib ki, layihə metropolitenin sərnişindaşıma imkanlarını və hərəkətin təhlükəsizliyini artırmaqla yanaşı, avtobus və taksi marşrutlarının metro ilə inteqrasiyasını gücləndirəcək, şəhərdə ictimai nəqliyyatın daha səmərəli fəaliyyətinə şərait yaradacaq.
