AZXEBER.COM portalının BBC-yə istinadən verdiyi xəbərə görə, son məlumatlara əsasən, Amerika administrasiyasının yüksək rütbəli əməkdaşı bildirib ki, genetik analizlər nəticəsində Pakistanda məhz Üsamə bin Ladenin öldürüldüyü təsdiq olunub.
Britaniyanın Baş Naziri Devid Kəmeron deyib ki, "Üsamə bin Laden ən dəhşətli terror aktlarına görə məsuliyət daşıyır".
Rusiya prezidenti Dmitri Medvedevin mətbuat xidmətinin bəyanatında deyilir ki, "Rusiya terror ilə ilk qarşılaşan ölkələrdən biri olub, və Əl-Qaidanın nə olduğunu öz təcrübəsindən bilir".
Kreml qeyd edir ki, terrorçuluqla mübarizə sahəsində digər ölkələr ilə əməkdaşlığı gücləndirməyə həmişə hazırdır.
ABŞ-ın keçmiş prezidenti Corc Buş bin Ladenin öldürülməsini "həyati əhəmiyyət kəsb edən nailiyyət" kimi təsvir edib.
Digər bir keçmiş ABŞ prezidenti Bill Klinton sözü gedən hadisə ilə bağlı Barak Obama administrasiyasını təbrik edib.
Onun təbirincə, Amerika administrasiyası Üsamə bin Ladenin "ədələt mühakiməsini" həyata keçirib.
İsrailin Baş Naziri Binyamin Netanyahu hesab edir ki, "bin Ldeinin öldürülməsi Vaşinqtonun və onun müttəfiqlərinin təmtərahlı qələbəsidir".
Barak Obamanın bəyanatından dərhal sonra Tokio birjasında dolların məzənnəsi 1% artıb.
