Türkiyənin xarici işlər naziri Əhməd Davudoğlu holland həmkarı Uri Rozental ilə görüşündən sonra birgə mətbuat konfransında Suriya ilə bağlı açıqlamalar verib.
Davudoğlu son 9 ayda 25 min adamın Suriyadan qaçmaq istəyərək, Türkiyədən sığınadaq istədiyini bildirib:
"İndiyədək 11 min suriyalı Türkiyədə sığınacaq tapıb. Türkiyə o insanlara yardım etmək üçün bütün imkanlarından istifadə edir. Öz büdcəsi ilə yardım edir. Türkiyə öz qonşularına həmişə yardım edəcək".
Qeyd edək ki, Əhməd Davudoğlu niderlandlı həmkarı ilə Suriya ilə yanaşı, İran və Yaxın Şərqdəki hadisələri də müzakirə edib.
