Azərbaycan və Rumıniya hərbi əməkdaşlıq üzrə sənədin hazırlanması üzərində işləyir. Bu barədə prezidenti Trayan Besesku bildirib.
"Biz bu ilin sonuna kimi hərbi əməkdaşlıq haqqında protokol imzalamaq barıdı qərar qəbul etdik", - deyə prezident aprelin 18-19-da Azərbaycana rəsmi səfərinin yekunlarına görə Azərbaycan televiziyasına müsahibəsində bildirib.
T.Besesku xatırladıb ki, Azərbaycan zabitləri artıq Buxarestdə Rumın hərbi akademiyasında təlim keçirlər.
"Bizim münasibətlərimiz müxtəlif sahələrdə inkişaf edir. Azərbaycan Xəzər regionu və Avropa arasında körpü rolunu oynayır. Eyni zamanda bizim regionun başqa ölkələr - Özbəkistan və Qazaxıstan ilə çox gözəl əlaqələrimiz yaranıb. Lakin bu regionda bizim bir nömrəli tərəfdaşımız Azərbaycandır", - deyə o vurğulayıb.
Bununla yanaşı Rumıniya prezidenti öz ölkəsinin Dağlıq Qarabağ üzrə Bakının mövqeyini dəstəklədiyini bir daha təsdiq edib. "Bu regionda münaqişələr beynəlxalq hüquq normaları və BMT-nin qətnamələri çərçivəsində nizamlanmalıdır. Azərbaycanın və ya istənilən hər hansı başqa dövlətin ərazi bütövlüyünü pozmaq cəhdi beynəlxalq hüququn pozulması kimi qiymətləndirilməlidir. Biz hesab edirik ki, Dağlıq Qarabağ Azərbaycan ərazisinin bir hissəsidir. Bu Azərbaycan daxilində erməni azlığı məsələsidir. Və bu məsələ beynəlxalq hüququn normaları əsasında həll edilməlidir”, - deyə T.Besesku bildirib. //İnterfax-Azərbaycan
