Xəbər verdiyimiz kimi, Ermənistanın Baş naziri Nikol Paşinyan ölkənin İctimai Televiziyasına müsahibəsi zamanı 3+3 formatda görüşə hazır olduğunu bildirib.
Paşinyan 3+3 formatda görüşə hazırdırsa bu görüş nəyi dəyişəcək?
Mövzu ilə bağlı AZXEBER.COM-a açıqlama verən Milli Məclisin deputatı Rüfət Quliyev bu görüşdən sonra regionun rahat nəfəs alacağını bildirib:
"Paşinyan bundan başqa addım ata bilməzdi, bu birmənalıdır. Düşünürəm ki 3+3 formatında olan görüşdə regionda olan ölkələr öz problemlərini rahat həll edə biləcəklər. Bura Qərbin, Fransanın, Amerikanın nə də digər ölkələrin müdaxilə etməyinə ehtiyac qalmayacaq. Düşünürəm ki, bu ilin sonuna qədər sülh müqaviləsi imzalanacaq və bütün məsələlər rahatlıqla öz həllini tapacaq. Bununla da region rahat nəfəs alacaq. Eyni zamanda Azərbaycanın xarici siyasəti prezidentin başçılığı ilə uğurla həyata keçiriləcək. Bu dünyəvi fəlsəfə idi və başqa heç bir addım atıla bilməzdi".
Günel Hüseynli
