Hindistanlı iş adamı Vivek Chand Sehgal tarixin ən təsirləndirici uğur hekayələrindən birini yazıb.
AZXEBER.COM Türkiyə mediasına istinadən xəbər verir ki, 1970-ci illərdə aylıq 2500 rupi (təxminən 48 manat) məbləğində maaşla işləyən Sehqal hazırda biznes fəaliyyəti ilə dünyanın ən uğurlu iş adamlarından biridir.
Bəs 48 manatla işə başlayan hindistanlı iş adamı necə milyarder olub?
28 sentyabr 1956-cı ildə Hindistanda anadan olan Sehqal gümüş biznesi ilə məşğul olan ailədə böyüyüb.
Təhsilini Birla məktəbində və Dehli Universitetində alan Vivek iş həyatına gümüş ticarəti ilə başlayıb.
Lakin maliyyə çətinliyi və biznesinin dayanıqlı olmaması səbəbindən böyük bir qərar verməli olub.
1975-ci ildə anası ilə birlikdə "Mədrəsan” şirkətini quran Vivek şirkət maliyyə çətinliyi yaşamağa başlayarkən radikal bir qərar qəbul edərək avtomobil sektoruna üz tutub.
Bu qərar onun və şirkətin taleyini dəyişib. "Madrasan Group"u "Samvardhana Motherson Group"a çevirən Vivek bu gün dünyanın ən böyük avtomobil hissələri istehsalçılarından birinə rəhbərlik edir.
Sözügedən şirkət qlobal avtomobil nəhənglərini mühüm ehtiyat hissələri təmin edən bir markaya çevirib.
Qeyd edək ki, şirkəti ilə 2016-cı ildə "İlin Sahibkarı" mükafatını qazanan Vivek 2025-ci ilə qədər 5,5 milyard dollar sərvəti ilə Hindistanın ən zəngin iş adamı elan edillib.
Mikayıl
