Türkiyəli media rəhbəri Acun Ilıcalı və daha yeddi televiziya və platforma rəhbəri barədə açılan cinayət işi üzrə hökm elan olunub.
AZXEBER.COM xəbər verir ki, İstanbul 25-ci Cinayət Məhkəməsində keçirilən iclasda məhkəmə təqsirləndirilən şəxslərin hamısına bəraət verib.
İttihama görə, bəzi futbol qarşılaşmaları zamanı yayımlanan qanunsuz mərc reklamları vasitəsilə tamaşaçıların mərc oyunlarına təşviq edildiyi iddia olunurdu. Prokurorluq Acun Ilıcalı da daxil olmaqla 8 nəfər üçün 1 il 3 aydan 5 il 3 aya qədər həbs cəzası tələb etmişdi.
Məhkəmə araşdırmaların yekununda Acun Ilıcalı və digər təqsirləndirilən şəxslərin bəraət almasına qərar verib.
