Polisin manyakın evində apardığı axtarış zamanı onun gündəliyi ələ keçirilib.
Rusiyanın Penza vilayətinin Belinski şəhərində yaşayan 24 yaşlı Aleksandr Bıçkov adlı gənc 6 dostunu yeməkdə ittiham olunub. Polisin manyakın evində apardığı axtarış zamanı onun gündəliyi ələ keçirilib. Həmin gündəlikdə onun törətdiyi cinayətlər də qeyd olunub. Polis Bıçkovun törətdiyi cinayətlərin üstünü təsadüfən açıb. Bundan əvvəl həmin cinayətə görə səhvən Aleksandr Juplov adlı şəxs saxlanılmışdı. Belə ki, Bıçkov mağazaların birindən oğurluq edən zaman saxlanılıb. Polisə verdiyi ifadəsində evinin yaxınlığındakı zibillikdə basdırdığı cəsədlərdən danışmağa başlayıb. Araşdırma Komissiyasının Penza bölgəsi üzrə sözçüsü Mariya Orlova da bu ərazidə 6 cəsədin tapıldığını və araşdırma aparıldığını bildirib. "İzvestiya" qəzetinə açıqlama verən polis Bıçkovun adam yediyini təsdiq edib. Adının açıqlanmasını istəməyən polis nümayəndələrindən biri, "Bıçkov bıçağı ilə qurbanlarının qara ciyərini kəsərək, yeyib" deyə bildirib.
