Yəmənli Rəjan hələ də hər şeyin oyun olduğunu sanır. Valideynlərinin onu bəzəməsindən, evə qonaqların gəlməsindən həzz alan Rəjan bayram olduğunu sayır.
O, toy hədiyyəsi olaraq aldığı çəhrayı rəngli eynəyi gözlərinə taxaraq rəqs edir, gülür.Rəjan anlamır ki, onun toyudur və o, gəlindir.
Yəmənin Marib vilayətindəki Əl Hüdeyda kəndində yaşayan Rəjan Həccanı 47 yaşlı Mohamməd Əmrana ərə veriblər.
6 yaşı olanda 25 yaşlı gəncə ərə verilmiş Fəiz Təhan isə indi 3 uşaq anasıdır. Onun sözlərinə görə, Rəjanın başına gələcəkləri bilir.
14 yaşlı Təhan deyir: “Ərimə nifrət edir, ondan qorxurdum. Ərimi görən kimi qaçıb gizlənirdim. Rəjan da belə olacaq. Hamımız Şəriət toyu ilə ərə verilmişik”.
BMT ekspertləri bildirirlər ki, Yəməndə 6-9 yaşlı qızların az qala babaları yaşlı kişilərə ərə verilməsi az qala adi hal alıb.
“Bəzi atalar “Şəriət nikahı” adı ilə qızlarını faktiki olaraq cinsi köləliyə verirlər. Bu qızlar məşəqqətlər çəkir, bəzən də əzablara dözməyərək intihar edirlər. Uşaq yaşlarında ərə verilən qızlar arasında ölüm halları sürətlə artır”, – BMT ekspertləri vurğulayırlar.
Bu yaxınlarda 10 yaşlı Səada Məhvit ərindən qaçıb və ərinin ailəsini məhkəməyə verib.Onun dediyinə görə, 7 yaşında ərə verilib və “ailə qurduğu” gündən bəri həyatı cəhənnəmə çevrilib.
9 yaşlı Məhra əl Cəauf isə Əl Dali şəhərində özünü asıb.Məhranın anasının dediyinə görə, toy gecəsinin səhəri güclü daxili qanaxması başlanan Məhra müalicə almadığından şikəst qalıb, ayaqları tutulubmuş.
11 yaşlı Hüdeyda əl Bəruda isə toy gecəsindən 3 gün sonra ölüb.Onun da ölüm səbəbi daxili orqanların qanaxması idi. Hüdeydanın 59 yaşlı əri, təbii ki, məsuliyyətə cəlb olunmayıb: Yəmən qanunvericiliyinə görə, ər günahsız sayılır.
Əmran vilayətində yaşayan 73 yaşlı Nəcib Səid Canem isə bir həftə əvvəl ikinci arvad alıb.Onun ikinci arvadı Nucudun 11 yaşı var.Səid Canemin dediyinə görə, ailəsində sakitlik və rahatlıqdır, çünki ikinci arvadı onun ilk arvadı, 13 yaşlı Şobha ilə “yaxşı yola gedir”.
//milli.az
