25 yaşlı portuqaliyalı sol cinah müdafiəçisidir. Bruno peşəkar karyerasına doğma ölkəsində, “Barreirense” klubunda başlayıb. Bundan əlavə, futbolçu müxtəlif illərdə Rumıniya və Slovakiya çempionatlarında da forma geyinib. Müdafiədən hücumlara qoşulmağı sevən Simaonun yarımmüdafiəçi mövqeyində də oyun təcrübəsi var. Müxtəlif formalarda 100-dən artıq oyun keçirmiş portuqaliyalı futbolçunun son komandası Rumıniya “Astra” (Ploeşti) olub.
Antalya təlim-məşq toplanışında iştirak etmiş 27 yaşlı Pits üçün “Xəzər Lənkəran” ilk əcnəbi klub deyil. Belə ki, Adrian öncə İsverçrənin “Bellinzona” klubunda 4 mövsüm çıxış edib, sonra isə İtaliya “Roma”sı onu sıralarına qatıb. “Roma”da bir neçə oyun keçirən və İtaliya Kuboku oyununda bir qol ötürməsi ilə də yadda qalan Pits, bundan başqa İtaliya B Seriyasının klublarında da çıxış edib. Təcrübəli yarımmüdafiəçinin son klubu isə Rumıniyanın “Universitatya” (Kluj) komandası olub.
