”CanAz.TV-ni yaşada bilmədik, çünki..."

- Türkiyə Azərbaycanlılarının I Qurultayına hazırlıq necə gedir və qurultaya diqqət nə səviyyədədir?

- Deyərdim ki, Türkiyədə yaşayan Azərbaycan türkləri önəmli bir layihəni həyata keçirmək üçün ciddi hazırlaşırlar. Qurultayla bağlı 12 nəfərdən ibarət təşkilat komitəsi fəaliyyət göstərir. Qurultaya qədər “Türkiyədə yaşayan Azərbaycan Türkləri” adıyla kitab çap edəcəyik. Kitabı 14 nəfərlik bir işçi heyəti hazırlayır.
Hazırda qurultay qərarımızı Türkiyədə fəaliyyət göstərən 20-yə yaxın Azərbaycan dərnəyi dəstəkləyib. Önümüzdəki günlərdə bu sayın 25-ə catağını fikirləşirəm. Ziyalılarımız, siyasətçilərimiz öz mənəvi dəstəyini bildiriblər.

Həm də qurultay qərarımız Türkiyədə və dünyada yaşayan Azərbaycan türkləri arasında böyük həyəcan yaradıb. Düşünür ki, qurultayın keçirilməsi, - Türkiyədə yaşayan Azərbaycan türklərinin bir-birlərini tanımasına səbəb olacaq və birliyi daha da gücləndirəcək.

- Qurultayda hansı məsələrə önəm veriləcək?

- Qurultayın əsas mövzusu, Türkiyədə yaşayan Azərbaycan türklərinin birliyini təmin etməkdir. Sonra isə, Türkiyədə yaşayan Azərbaycan türklərinin, həmçinin dünya Azərbaycanlılarıyla əlaqələrinin gücləndirməsi və ermənilərin son əsrdə Anadoluda, Qüzey və Güney Azərbaycanda etdikləri kütləvi qətliamların, soyqırımların üzə çıxardılması əsas müzakirə mözvusu olacaq. Xüsusilə, bu, məsələyə ciddi önəm verəcəyik.

- Qurultayda diaspor nümayəndələrindən kimlərin iştirak edəcəyi gözlənilir?

- Avropada və Amerikada fəaliyyət göstərən Azərbaycan diaspor təşkilatlarının aktiv fəalları, Türkiyəli Azərbaycan Türklərinin çoxunun iştirakı gözlənilir. Bunların çoxu qurultayımıza qatılacaqlarını indidən elan etdiblər. Məsələn, Tomris Azəri, Ayhan Dəmirçi, Mustafa Alınca, İlhan Aşkın, Orhan Aras, Dr. Ali Atalar və s. adını çəkmədiyim şəxslər.

Ayrıca olaraq, hər iki DAK-ın rəhbərləri, Güney Azərbaycandan olan soydaşlarımız, diasporda fəaliyyət göstərən önəmli milli fəallarımız, Azərbaycan Milli Məclisinin üzvləri Qənirə Paşayeva, Zeynab Xanlarova kimi millət vəkilləri və türk dünyasının böyük şairi Zəlimxan Yaqub kimi diaspor məsələrinə önəm insanlarımız dəvət ediləcək.
Azərbaycanın Diasporla İş üzrə Dövlət Komitəsinin sədri Nazim İbrahimovun və komitənin sədr müavini Valeh Hacıyevin iştirakı gözlənilir. Onu qeyd edək ki, bizim ürəyimizdən hörmətli Prezidentimiz İlham Əliyev cənablarının da qatılması keçir.

- Sizcə, belə bir qurultayın keçirilməsi diaspor quruculuğu prosesinə nə kimi təsir edəcək?

- Bizim qurultayımızın çox önəmli və dəyər verilməsi lazım olan özəlliyi var. Bu qurultayı diaspor nümayəndələrinin üzvləri öz imkanları hesabına təşkil edirlər. Yəni, diaspor komitəsi təşkil etmir. Bu faktın özü göstərir ki, Azərbaycan diasporu öz gücünə ayağa qalxır. Bu, Azərbaycan üçün eyni zamanda, diasporumız üçün önəmli bir hadisədir. Bu düşüncə sürətli bir şəkildə bütün diaspor təşkilatlarımızın içində formalaşacaqdır. Diaspor təşkilatlarının özlərinə inamı artacaqdır. Hər şeyi, rəsmi Bakıdan, diaspor komitəsindən gözləmək düşüncəsinin dəyişməsinə səbəb olacaq.

- Türkiyədə 3 milyon Azərbaycan türkünün yaşamasına baxmayaraq, bir müddət bundan öncə açdığınız CanAzərbaycan Televiziyası fəaliyyətini dayandırdı.

- Bu gün Türkiyədə yatan bir div var. Azərbaycan türklərini yatan bir divə oxşadıram. Dediyiniz doğrudur - CanAz.TV-ni yaşada bilmədik. İnanırıq ki, qurultayın nəticəsi milli birliyimizi gücləndirəcək və haqq səsimizin dünya ictimaiyyətinə çatdırılması istiqamətində işlərimizi stimullaşdıracaq. Həm də CanAz.TV-nin yenidən yayına başlamasına və peyk vasitəsilə yayımına kömək edəcək.

Azərbaycan diasporunu strateji səviyyəyə çatdırmağın zamanıdır və buna yetərincə potensialımız var.

Elnur Eltürk