Rəmallah şəhərinin küçələri Fələstin bayraqları və Mahmud Abbasın plakatları ilə bəzədilir
İordan çayının Qərb sahilində Fələstin Muxtariyyətinin lideri Mahmud Abbası qarşılamaq üçün hazırlıqlar gedir. Rəmallah şəhərinin küçələri Fələstin bayraqları və Mahmud Abbasın plakatları ilə bəzədilir. BMT-də Fələstinin dövlət kimi üzv qəbul edilməsinə ABŞ-ın qoya biləcəyi veto ilə əlaqədar uğursuzluq proqnozlaşdırılsa da, Mahmud Abbas öz vətənində daha çox rəğbət qazandı və dünya ictimaiyyətinin diqqətini bir daha İsrail-Fələstin münaqişəsinə çəkə bildi. İsrail qəzetləri isə Yaxın Şərq sülh prosesinin bərpasına dair şansları dəyərləndirir. Əsas başlıqlar hələ də Fələstin Muxtariyyətinin lideri Mahmud Abbas və İsrailin baş naziri Benyamin Netanyahunun BMT-nin Baş Assambleyasındakı çıxışlarının müqayisəsi ilə bağlıdır.
