Bu gündən Azərbaycanın ali təhsil müəssisələrinin boş qalan yerlərinə və tam orta təhsil bazasından orta ixtisas təhsili müəssisələrinə qəbul olan abituriyentlərin daxil olduqları təhsil müəssisəsində qeydiyyatına başlanılır.Tələbə Qəbulu üzrə Dövlət Komissiyasından Trend-ə verilən məlumata görə, qeydiyyat sentyabrın 5-dək davam edəcək. Abituriyentlər bu müddətdə sənədlərini daxil olduqları təhsil müəssisəsinə təqdim etməklə qeydiyyatdan keçməlidirlər. Həmin müddətdə qeydiyyatdan keçməmək abituriyentin müvafiq ixtisasa yerləşdirilməsindən imtina etməsi kimi qiymətləndiriləcək.
