Vaşinqton Ukrayna və ABŞ nümayəndə heyətləri arasında Səudiyyə Ərəbistanında aparılan danışıqlarda əldə olunmuş razılaşmaların yerinə yetirilməsinə nəzarət edəcək. Prosesə üçüncü dövlətlər də cəlb oluna bilər.
"Report"un məlumatına görə, bunu Ukrayna Prezidenti Volodimir Zelenski jurnalistlərə açıqlamasında deyib.
"Biz başa düşürük ki, faktiki olaraq bizim razılaşmalarımız ABŞ ilədir. Onlar monitorinq üçün əsas məsul olanlardır. Üçüncü ölkələrin cəlb olunması məsələsini ABŞ gündəmə gətirir. Bu, əgər dənizdən danışırıqsa, Türkiyə, enerjidən danışırıqsa, Səudiyyə Ərəbistanı ola bilər. Hələlik bu, müzakirə səviyyəsindədir", - Zelenski bildirib.
Onun sözlərinə görə, Ər-Riyadda danışıqlar zamanı tərəflər Qara dənizdə atəşkəs və enerji infrastrukturuna hücumların qadağan edilməsi barədə razılığa gəliblər.
